საქართველოს სახალხო დამცველის ოფისი ეროვნული უმცირესობების უფლებების დაცვისა და სამოქალაქო ინტეგრაციის მდგომარეობას სწავლობს. სახალხო დამცველის აპარატთან არსებული ეროვნულ უმცირესობათა საბჭოს წევრები დღეს კახეთის გუბერნატორს შეხვდნენ. შეხვედრა კითხვა-პასუხის რეჟიმში წარიმართა. გუბერნატორმა დეტალურად ისაუბრა რეგიონში არსებულ ვითარებაზე და აღნიშნა, რომ გუბერნატორის ადმინისტრაცია და მუნიციპალიტეტის გამგეობები ითვალისწინებს ეროვნული უმცირესობების საჭიროებებს რისი ნათელი მაგალითია ეთნიკური უმცირესობებით დასახლებულ სოფლებში 2014-2017 წლებში განხრციელებული ინფრასტრუქტურული და კულტურული პროექტები.