პანკისის ხეობის სოფელ წინუბანში საბავშვო ბაღის ახალი შენობა დღეს ოფიციალურად გაიხსნა. დაწესებულება 40 აღსაზრდელზეა გათვლილი და აღჭურვილია ახალი ტექნიკით, სველი წერტილებით, ავეჯითა და სათამაშოებით. ეზო კეთილმოწყობილია, დამონტაჟდა სადრენაჟო სისტემა.
ბაღის მშენებელობა რამდენიმე თვის განმავლობაში მიმდინარეობდა, რისთვისაც რეგიონში განსახორციელებელი პროექტების ფონდიდან 174 ათასი ლარი დაიხარჯა.
ახლადაშენებული ბაღი დაათვალიერეს კახეთის გუბერნატორმა, ირაკლი ქადაგიშვილმა და ადგილობრივი ხელისუფლების სხვა წარმომადგენლებმა.