კახეთის გუბერნატორმა ირაკლი ქადაგიშვილმა სიღნაღის მუნიციპალიტეტის ქალაქ წნორში თავისუფლების ქუჩაზე მიმდინარე საგზაო ინფრასტრუქტურული სამუშაოები და სოფელ ბოდბისხევში საბავშო ბაღის მშენებლობა დაათვალიერა. პროექტის მიხედვით ქალაქ წნორში თავისუფლების ქუჩის სრული რეაბილიტაცია მიმდინარეობს, რისთვისაც 420 ათასი ლარი იხარჯება. ბოდბისხევის საბავშო ბაღის მშენებლობისთვის კი 370 ათას ლარზე მეტია გამოყოფილი. ორივე ობიექტზე სარეაბილიტაციო საამუშაოები ბოლო 40 წელია არ განხორციელებულა, რის გამოც ადგილობრივ მოსახლეობას პრობლემები ექმნებოდა. საბავშო ბაღის ახალი ევროპული სტანდარტების შენობის მშენებლობა სექტემბრის ბოლოს დასრულდება. შენობა 75 აღსაზრდელზეა გათვლილი. ორივე პროქეტი რეგიონებში განსახორციელებელი პროექტების ფონდის და სიღნაღის მუნიციპალიტეტის გამგეობის თანადაფინანსებით ხორციელდება. გუბერნატორი ადგილობრივ მოსახლეობასაც შეხვდა.