GEO ENG

სიახლეები

კახეთის სახელმწიფო რწმუნებული გიორგი ალადაშვილი რთველის შტაბში სამუშაო პროცესს გაეცნო

2 სექტემბერი, 2022
დღეს, გიორგი ალადაშვილი თელავში, რთველის შტაბში ღვინის ეროვნული სააგენტოს თავმჯდომარე, ლევან მეხუზლასთან ერთად, სამუშაო შეხვედრას დაესწრო და დასაქმებულ ახალგაზრდებს შეხვდა.
„24 აგვისტოდან რთველის საკოორდინაციო შტაბი 24 საათიან რეჟიმში მუშაობს. „რთველი 2022“- ის წარმატებით ჩატარების მიზნით, ყოველდღიურ რეჟიმში კოორდინაციაში ვიმყოფები რთველის შტაბთან, გარემოს დაცვისა და სოფლის მეურნეობის სამინისტროსთან და მუნიციპალიტეტების ხელმძღვანელობასთან. მსურს, წარმატებები ვუსურვო რთველის შტაბში დასაქმებულ ახალგაზრდებს, რადგან კახეთის რეგიონი, მევენახეობა-მეღვინეობის მხარეა და სასიამოვნოა, როდესაც ახალგაზრდა თაობის მხრიდან მზაობა და დაინტერესება ასეთი მაღალია ამ დარგის მიმართ. ჩემი ერთ-ერთი ძირითადი პრიორიტეტი კახეთში „რთველი 2022“-ის წარმატებით ჩატარება გახლავთ, მოგეხსენებათ, რომ საქართველოს მთავრობის გადაწყვეტილებით ყურძენზე სუბსიდირება სახელმწიფოს მხრიდან წელსაც განხორციელდება, აქტიურად ვარ ჩართული ამ პროცესში. წელს, კახეთში რთველი უნდა ჩატარდეს სტაბილურად და არცერთი კილოგრამი ყურძენი არ უნდა დარჩეს ჩაუბარებელი,“- აღნიშნა გიორგი ალადაშვილმა.
რთველის პერიოდში, ღვინის ეროვნულმა სააგენტომ კახეთის რეგიონში მცხოვრები 150-მდე ადგილობრივი ახალგაზრდა ღვინის საწარმოებში ოპერატორის პოზიციაზე დაასაქმა.
ახალგაზრდები, ოპერატორის პოზიციაზე დასასაქმებლად, კახეთის სხვადასხვა მუნიციპალიტეტში ჩატარებული გასაუბრების შედეგად შეირჩნენ. შერჩეულ კანდიდატებს, ტრენინგები რთველის საკოორდინაციო შტაბში, გარემოს დაცვისა და სოფლის მეურნეობის სამინისტროს სპეციალისტებმა ჩაუტარეს.

სასარგებლო ბმულები

© 2015 - 2022 კახეთის მხარეში სახელმწიფო რწმუნებულის
- ადმინისტრაცია
- ყველა უფლება დაცულია
Artmedia