ოლიმპიურ ჩემპიონს თბილისის საერთაშორისო აეროპორტში გულშემატკივრებთან ერთად, კახეთის მხარეში სახელმწიფო რწმუნებული, გიორგი ალადაშვილი, დედოფლისწყაროს მუნიციპალიტეტის მერი, ნიკოლოზ ჯანიაშვილი, თელავის მუნიციპალიტეტის მერი, ლევან ანდრიაშვილი და საკრებულოს თავმჯდომარე, თენგიზ მთვარელიშვილი დახვდნენ.

შეგახსენებთ, რომ ლაშა ბექაურის მშობლიურ სოფელში, დედოფლისწყაროს მუნიციპალიტეტის სოფელ არხილოსკალოში, ლაშა ბექაურის სახელობის სპორტული კომპლექსის მშენებლობა დასკვნით ეტაპზეა.

პროექტი ხორციელდება მუნიციპალური განვითარების ფონდის მიერ და მისი ჯამური ღირებულება - 2,278,444 ლარს შეადგენს.

სოფელ არხილოკალოს სპორტულ კომპლექსს სახელოვანი ქართველი სპორტსმენის ლაშა ბექაურის სახელი მიენიჭება.